Entries

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

好累

30.6.2006
水運會

7點幾搵飽,win,benson搭的士去泳池
集隊已經熱到抽筋
上到去 坐第1行 @@"
頂 熱到爆炸! XDDD
暴曬左幾個鐘,中途仲落大雨!
又熱又濕,都唔知想點!?
好采後尾有baby擔遮 =] 好溫馨wo
差唔多1點終於走得啦!!!

同13個人去飲茶慶祝Cathy生日~
去到無耐已經憫憫地,因為班衰仔
左面一陣,我諗kabie都feel到
食野諗住無事,呀邊個XD無啦啦嘈喎!
好想即刻走人,不過我唔想係cathy生日搞事,所以忍 .\/.
之後行行行,行到腳都軟
峰峰飲卵巢 XDDD 笑死我
搭小巴番屋企,番到去眼訓到死
訓醒6點幾,沖個涼(好耐未試過覺得自己咁污糟)
同MAMI出去睇新紮師妹3
一d都唔好睇,好無聊

10點番到屋企睇電視 =]

1.7.2006
訓到10點半先起身,即刻同MAMI落去食野
之後去朗屏開會,好! 我地要做一隊有紀律既球隊!
1-4練波
wa..
初頭猜波,感覺上唔算太熱,但係猜猜下波發現d汗一滴滴咁滴落黎 -,-
之後熱到無野可以形容,飲勁多水都補唔番
今日d練習加強左好多,有dd頂唔順,不過總算捱得住
同埋.. 發覺有d野原來自己做到,只不過成日唔放膽去做
我定左目標,每次練習都要改善同進步,我要強

練完briefing
沖涼換衫,頂唔順自己咁臭 -,-
去食野,之後番屯門,去大楠橋猜左「兩個字」波 XD

番到去又沖多次涼,仲係覺得自己好鬼臭xd

夜晚好支力 .....

2.7.2006
今日祺打黎先識醒,起身郁唔到
周身都勁痛,變左傷殘人士
落街食完野就番屋企
hea左成日,因為邊度都唔想去,應該話係郁唔到至真

呀係!巴西同英格蘭都輸左啦 ><
無哂睇波既動力... 唉!

又有d事搞左出黎
好煩 又係我做衰人啦!?
スポンサーサイト

X-men

27.5.2006
尋晚食左藥,訓到乜都唔知
仲以為今朝要番學 =.=
訓訓下baby打黎,我以為自己遲到
點知我真係遲呀XD
極速3個字就落左去大興打乒乓波,個個都未到
就同baby打左陣,我成日連個波都掂唔到 ><
搭9就搭車去良田練波
今日手感唔錯,3人防守掌握得好左
開場頭頭都無乜野,但係之後個氣氛好恐怖
briefing左成半個鐘,其實咁樣都幾好

之後食飯,個個係度玩NDS 哈哈
食完同祺番去,沖涼洗頭
4點出去搵Hoey睇X-men
幾好睇,不過太累中途訓著左-0-"
我好想做X-men呀 XDDD
6點幾就番屋企lu

7點幾好眼訓,一訓就訓到9點半先食野 ...

20.5.2006
坦白說,這天並不快樂。

練波對我好大打擊
熱極身都覺得隻手好唔順,已經無乜mood
難得5個位有機會比我剎下波 但係我越打就越痛

隻手遞唔起,條腰痛到跳唔起,完全唔知想點
到我做5個位既時間落一落地就整損左個手爭
一傳接唔到 ...
上網剎波好幾時落地既時候差d拗柴,唔知做隻腳會突然無力

當阿偉講話唔可以因為呢d傷而影響自己進步
真係忍唔到,入左廁所喊
每次永遠我一有進步既時候就會有呢d野阻住我
成日都要打沉我,個天都唔知係咪唔想我再打排球

出番黎開場,你地既鼓勵我收到哂,多謝 =]
不幸事件又黎
有一球同崔先生一齊落地,凌空期間我睇到佢飛緊埋黎
但係想剎制都剎唔切,佢就撞左埋我度
隻手即刻痛到痺左唔識郁,不過最尾好采無事

呢3個鐘對我黎講過得真係好耐好唔開心
我好想放棄 我唔想人地個個進步我就不斷企係呢個位

換完衫去左新墟食野,心情好番d,因為祺XDDD
本來之後老豆約左我睇戲架! 點知...
輝仔囉! 引誘我去打沙排,哈

搭車去戈陣sarah同向華低能架!
去到猜左陣波,佢地跟隊我就同祺講下心事咁
我鍾意你笑呀! 知嗎 ?
睇佢地打,向華同輝仔好勁!做左idols ..
戈度有好多couples呀 -o-"
之後又猜下波,6點度就搭車走lu
好累

DADI唔知搞乜,無得沖涼住wo
一番屋企就拎哂d野去體育館沖涼
沖完就去市中心搵DADIMAMI食飯

夜晚執notes執左一個鐘,整整齊齊 好開心!!


21.5.2006
成2點先訓,一訓就訓得著啦
12點比DADI嘈醒左,成身痛到郁唔到,勁辛苦
條腰真係頂唔順囉!!
落街食野,食完就番屋企做下野

表姐黎左,睇左真人版小丸子,哈!
之後佢做功課我就hea下啦

夜晚睇EASON! yoyoyoyoyoyo 好正
留左鬚好鬼man >3<

腰呀腰,唔好再痛呀聽日!!

高興

13.5.2006
尋晚成2點先訓
今朝9點3先起身,拿拿臨搞點哂就出門口
同祺行去良田

之後練波
肥癲熱身戈陣下下毆落黎,好q痛wo
5個位,ok啦
3人防守,又撞到盆骨瘀左,好痛呀
剎波麻麻地,隻手有d痛
開左一球波之後突然條腰抽住咁痛,嚇死我
開場都係咁啦!

換完衫去食飯,同salai數123 xDDDD
之後食野好爛gag囉
去左m記坐 BB好核突 同教練同一類人呀!!
食完雪糕就同祺祺番歸囉

番到去睇番EASON@東張西望 就訓左攪
4點半訓到5點半,比呀媽嘈醒
好辛苦,好暈好暈 ........

夜晚好乖咁做acc,我決定呢個禮拜唔會欠功課呀!!!

EASON GET A LIFE出左VCD啦!! >3<

勁gag日

6.5.2006
今朝一早kinki 砵砵打黎,搵埋祺就商討打去電台既事
結果我地fax左去,salai得得B思敏要加油呀!

搞掂就同祺行去良田練波

阿偉今日狠左好多
不過咁樣係好事,我地大家一齊進步,一齊為小楠橋而戰!
最辛苦莫過於3人防守
不過好enjoy =]

練完波去左美食野with BB 砵砵 君 Lawma 祺 姿
gag到無論,笑到嘔泡

呀! 行去途中我玩特技!
有個膠袋飛緊埋黎,我一野跳起避過左,仲做埋sound effect!
佢地笑到痴左線 =]

食完去左BB男友家打牌
佢地教識左我好多呀!!
之後停哂手係度睇《向左走向右走》,等地震 xDD

睇完就回家去!!


7.5.2006
訓到成點先起身
下晝落街買材料,之後就開始整糯米慈勒!
第一次整勁驚,原來都ok難整
幾經辛苦先搞得掂
後尾試食左覺得甜味差少少姐,其他都ok!

DADI番完鄉下就同伯父佢地番黎
哈! 呀b一黎到我屋企就走埋黎搵我抱啦! 叻仔 >3<
去椰林閣食飯,坐低無耐同呀b玩,點知一撞到杯水
倒哂落我條褲同隻腳度,濕哂,凍死我!!

食完走戈陣擺左呀b落地比佢行
勁細粒,勁搞笑!!!
晚上努力做econ project,唉


上記広告は1ヶ月以上更新のないブログに表示されています。新しい記事を書くことで広告を消せます。