Entries

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

Get A Life簽名會

11.6.2006 星期日

期待已久的日子終於來臨啦!
朝早出去自修室,飽補完習就去食野
食完已經無心機溫,好緊張!

搵完theresa就同呀yan行去勒
戈陣2點都未夠 .. 我地排到第4行度
等呀等 等左勁耐 企到腳都跛
3點正Eason已經黎左啦 =]
隔左陣佢先出黎.. 勁尖叫,真係好開心
不過d記者好阻定

仲要等佢做訪問,做左勁....耐!
4點幾終於開始簽名啦 !!
見前面d人有得合照,就喪開心啦..點知
到我前7-8個左右已經唔得..
上到去 .. y=yan 臣=Eason E=我

y: eason可唔可以同我影左相呀?
E:好快架咋!
助手: 唔好意思,太多人啦
臣:(好無奈地擰頭,加做口形「唔好意思」)
E: (拎住部相機怒影,喪影)
臣:(第番隻碟比我)
E: 唔該哂呀!
臣: 多謝你! 我諗你應該影到架啦 !!!!

哇!開心到個腦一片空白!
落番去之後突然喊起上黎,唔知做乜春 XDDD
心情平復少少就番去自修室搵佢地
唔知做又喊 .. 低能,哈

心情唔好所以去置樂食野!
食完去m記坐,見到一男一女打兵乓波 XDD (唔係正經版)
笑到嘔血,坐正係隔離,好睇過睇戲!
去影貼紙相,熱到爆炸
影完就歸家去!

我唔記得握手呀 ><
我好掛住你呀Eason
スポンサーサイト
上記広告は1ヶ月以上更新のないブログに表示されています。新しい記事を書くことで広告を消せます。