Latest Entries

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

快樂的日子

3/7-11/7既野唔打番啦
淨係記得幾樣野

日日番學都係度hea,不過係班房玩都幾開心
3/7去玩波拗柴,第1次真正拗柴,好驚
痛左幾日就好番d,不過而家仲腫緊,唔搞佢就唔痛囉唉

班籃贏4C,場場都好精彩,你地好叻仔
最尾老麥拗柴,我真係好緊張因為我知係幾咁痛 -,-

世界盃睇左 意大利vs國同決賽 意大利vs法國
好開心意大利贏左World Cup啦!!!!
訓左2個鐘就番學,之後戈日就發燒啦 -,-

11號結業禮,派成績表的確唔滿意,但係我唔會頹,我只會繼續努力
我知自己一定得架!!

完左影班相,我真係唔捨得乳酸同峰峰
我唔想佢地唔同我地一齊係5B繼續喪玩
不過我一定會掛住你地同記住你地架,哈哈


好勒,講番個camp先

12/7
朝早番去註冊,半個鐘就搞掂
番屋企食少少野就搭車去搭船
係蔡意橋等左幾班車先走人
為左天涯人同terry又要等多半個鐘船
好鬼鍾意搭船,搭船好舒服 =]
話咁快就到東涌,行去東薈城買野
同baby去搵個車站,買下野飲傾下計,好開心,好耐未試過傾咁耐啦 ...
搵番佢地就搭車,等車等到成身濕哂
搭左大半個鐘車,就去到塘福,呢個時候我發現個電話去左漫遊_中國移動 XDD
入到間屋..wa 蚊屋黎架 -,-
屋入邊有數十隻蚊,大家就黎個滅蚊行動!!!!
哈哈,執好哂d野,岩岩好我同baby一間房 =] yo
搞掂成班係度睇Keroro,好正
之後落去士多買下炭就同baby 肥ben去沙灘行下
哈,兩條友搞破壞,坐下傾下計就番去啦
番去之後就「睇」佢地透爐,搞左勁耐
整到我勁眼訓,入房抖左陣 -,-
就黎搞掂就拎d野出去BBQ勒!
本來都幾開心既,不過又暗,d野都唔知熟未
最恐怖係有好多怪獸,有隻鼻涕虫係我隻腳度呀!!!!!
嚇到我就黎喊,勁fing隻腳先fing走佢,真係嚇爆我
同baby輪流燒,燒完輪流食
食到飽飽就番入去涼下啦,熱死呀救命
趁仲做緊神雕就即刻沖涼,沖涼戈一刻覺得自己得呢秒先乾淨
沖完出黎就睇法證,睇左陣就陪佢地落去買野飲
番上黎好眼訓,同baby番左入房談心
眼訓到我差d訓著,但係又比baby勁玩我
11點幾就出去同佢地玩,一路睇電視一路打牌
輸到pk,睇到我和疆屍有個約會就停哂手
等baby沖完涼終於可以同佢玩啦
之前成身汗掂都唔敢掂佢 XD
唔知做訓攪 -,- 我又眼光光喎,等佢訓著左我又出左去玩
不過玩左一陣我又入去嘈醒佢
頭頭d人都唔願醒,之後我話佢地玩緊摔角佢就即刻彈起身
去左SM基kim,哈哈
唔知做玩玩下我捉住佢,峰峰同肥bem夾攻SM佢,笑死我
玩下玩下又番左入房,同佢玩到勁熱,聽到出面佢地係度尖叫
原來有四腳爬爬,即刻唔敢出去繼續玩
哈哈,玩得勁開心呀,真係好耐都未試過咁開心
仲有個surprise tim!! >3<
玩到咁上下就睇崸佢地點,又幫手捉下怪獸咁
4點幾大家都支力就攪豬啦
我唔駛3分鐘就訓著左啦,仲當baby攬枕咁,哈哈


13/7
訓到7點幾覺得隻手好痕,原來比蚊咬呀!
忍左好耐越黎越辛苦,終於趁baby轉車既時候話佢知
都唔知佢係咪未訓醒,一句「cum被啦」就成張被cum埋黎包實左我
個冷氣又唔掂,熱到我想死
最終搞到我起左兩次身,其間我聽到勁多人出出入入
出到去仲發現超多蚊,即刻番入房,不斷嘈醒baby
最終差唔多9點就訓番著
差唔多11點,今次比baby嘈醒
傾左陣,聽到有聲,係度估邊間房出黎
之後一齊出去嚇benben,哈哈
跟住佢兩個就係度捉蚊,wa.. 捉左過廿隻蚊,嚇死人
捉哂d蚊就去沖涼,沖完執埋d野就同佢同benben落去買野食
番黎食杯麵,食完入左男仔房涼冷氣
如果尋晚係戈間房訓就好啦 -,-
等所有人搞掂哂就搭車落梅窩
baby走時我無啦啦喊 .. 唔係唔捨得佢而家走,而係我諗緊呢個暑假..唉
等左大半個鐘先有車,仲要係企位
企住黎行戈條路真係勁似玩過山車,一路搭一路幫baby抹汗
去到就去左M記,我就送左baby走lu,佢走遲1秒我就真係即喊
食完m記就陪佢地去wellcome買野
見到個靚靚外國女仔,連我都比佢迷到
買完又搭車番去lu
擺低哂d野我同Hestia天涯人睇埋Keroro我就走啦
走戈陣真係有d唔捨得,同有d寂寞
我真係好想我地可以永遠都一齊生活 ....

搭11號去東涌,又搭船番屯門
1個鐘零9個字就番到屋企啦,不過今次無乜感覺,離開得太少時間啦唉

不過經過今次,我決定下次我有事都唔走,同你地玩足咁多日
我好鍾意同掛住你地呀!!!!!!!>3<


14/7
12點就訓左,訓到今朝11點幾
食完野就去練波,1-4大興
頭頭有d支力,之後都頂得順
呀偉睇到我地有d頂唔到,所以減輕左
夾form打得好爽,思敏有好多靚set,我都未試過有咁多後2剎同拎到咁多分 XDDD
不過我仲要搞番掂我d修正,好差 0,0
練完cool down,換完衫就去食野
子揚gag到爆炸笑死我

食完同祺子揚輝仔去左公園玩石春路勁好笑
不過玩到6點9我就番屋企lu



我好掛住你。

スポンサーサイト

好累

30.6.2006
水運會

7點幾搵飽,win,benson搭的士去泳池
集隊已經熱到抽筋
上到去 坐第1行 @@"
頂 熱到爆炸! XDDD
暴曬左幾個鐘,中途仲落大雨!
又熱又濕,都唔知想點!?
好采後尾有baby擔遮 =] 好溫馨wo
差唔多1點終於走得啦!!!

同13個人去飲茶慶祝Cathy生日~
去到無耐已經憫憫地,因為班衰仔
左面一陣,我諗kabie都feel到
食野諗住無事,呀邊個XD無啦啦嘈喎!
好想即刻走人,不過我唔想係cathy生日搞事,所以忍 .\/.
之後行行行,行到腳都軟
峰峰飲卵巢 XDDD 笑死我
搭小巴番屋企,番到去眼訓到死
訓醒6點幾,沖個涼(好耐未試過覺得自己咁污糟)
同MAMI出去睇新紮師妹3
一d都唔好睇,好無聊

10點番到屋企睇電視 =]

1.7.2006
訓到10點半先起身,即刻同MAMI落去食野
之後去朗屏開會,好! 我地要做一隊有紀律既球隊!
1-4練波
wa..
初頭猜波,感覺上唔算太熱,但係猜猜下波發現d汗一滴滴咁滴落黎 -,-
之後熱到無野可以形容,飲勁多水都補唔番
今日d練習加強左好多,有dd頂唔順,不過總算捱得住
同埋.. 發覺有d野原來自己做到,只不過成日唔放膽去做
我定左目標,每次練習都要改善同進步,我要強

練完briefing
沖涼換衫,頂唔順自己咁臭 -,-
去食野,之後番屯門,去大楠橋猜左「兩個字」波 XD

番到去又沖多次涼,仲係覺得自己好鬼臭xd

夜晚好支力 .....

2.7.2006
今日祺打黎先識醒,起身郁唔到
周身都勁痛,變左傷殘人士
落街食完野就番屋企
hea左成日,因為邊度都唔想去,應該話係郁唔到至真

呀係!巴西同英格蘭都輸左啦 ><
無哂睇波既動力... 唉!

又有d事搞左出黎
好煩 又係我做衰人啦!?

派卷日(一)(二)

28.6.2006 星期三
好緊張,緊張到訓唔著
不過要面對的始終要面對

第一堂派中文,還好啦
不過作文好失望,無諗過咁低
總分124/200 ...

之後Maths,驚到標眼水
LongQ 58 同預期差唔多
MC 62 !!!! 嚇到想喊,因為一早打定輸數唔合格

lunch之後ENG,無講過分數,真係好想知
Econ,最開心真係呢科,真係好驚會炒
LQ 75/90 MC 37/50 總分80
如果唔係有d唔小心就會追到AMY同華姐架啦 > <

lunch with 4人
受到派卷影響,大家全程都唔知講左幾多句野
靜得恐怖,更氣憤既係我無食lunch
去上裕,我d野一點都未黎,佢地緊緊用左1,2個字食
好采kai子慷都有d人性...

中史,27-.- 但係高過上學期woXD 算吧啦
PA 我一定會係暑假搞番掂所有野,會考至少要C

放學去左行惠康 ...
夜晚去別府食,等左勁耐,但係好滿足 =]

Chris,蘇恩 : 真心講一句 對唔住 我真係會改,多謝你地仲咁錫我


29.6.2006 星期四
今朝買埋枝水比baby先上去 ..
中史堂同左佢坐,都唔知做乜既sir -.- 更年期呀頂
Econ講番MC,之後派下功課咁
中文堂又過左去玩,但係許老師無黎
MISSCHAN又黎左,真係好鍾意佢,哈哈
佢講d野又幾到pt,我知佢睇得起我地架! 所以我一定會努力比佢睇!

玩左成個recess,好開心

兩堂ENG,悶到死,最影響既400分竟然唔知,真係唔知個結果會點

lunch約左祺,講左好多秘密,真開心

兩堂geog,悲劇開始
LQ 43/65 MC 35/50 -.- 加埋平時分得68
又唔係差,但係我目標係7字頭囉 .....
灰左,頹哂,追唔到啦啦啦啦 ..

最尾Maths,無做野
坐坐下頂唔順喊左陣,本來無野
之後佢地一問我做,講左唔夠兩隻字就黎料..
頂丫! 喊到抽筋...
放左學停左一停,越諗就越僧自己
華姐一埋黎攬住我,又喊到收唔到聲....

成班落左去搵下d老師傾下計
行行下同蘇恩去左食麥樂雞
其實大家都唔肚餓,只係想發洩下

番到屋企MAMI以為我唔舒服
番左入房又喊 -,-
夠啦,喊夠就無事啦
算啦,喊完又唔會高分d
派成績表先算啦 ......

中文口語

25.6.2006 星期日
哇,等左呢日好耐啦
起左身同MAMI去新墟食車仔麵
之後就去買食送...
番到黎抖陣又落去惠康上貨
重到嘔血,拎到我死咁滯

番屋企執下野食下野就去良田打波
去之前搵砵砵麗king,傾左陣先去
哇,成個月無打波啦
初初都唔知似乜,打一陣就好番d勒

猜下波,同salai去左做5個位,竟然有d喘氣@@
死啦d體能無哂啦...
剎下波開下波咁,ok啦
哈哈,同salai向碩仔表白,同佢講佢係我地偶像
笑到死,勁好玩喎
之後睇佢地開場,輝仔勁野XD
8點半度就飛番屋企睇美女廚房,yoyo

十二點就訓左攪,勁支力

26.6.2006 星期一
今日要番學校考oral,最後一組,等到我勁眼訓
同ronie,蔡英偉,benben,minnie一組
朗讀.. 唔識讀~
讀完之後,miss yung話:「你讀得幾好,不過錯字另計」 =o=
discussion _ 頂! 4打1 wo
我同意埋佢地就無野講架啦,咁咪唯有唔同意囉
好采又比我兜到,講得都ok..
做完之後miss yung話.. 「你做得幾好呀!」
希望真係啦....

番屋企換件衫同chulisa,kai子慷,franco去唱k
嗌到聲都冇埋,不過幾high,狂rap,哈
之後去左kai子慷屋企
無野好玩之下打牌...
我經常小相公,因為佢地成日催我打......><
食左d好好食既野就番屋企勒~

夜晚好嬲!

27.6.2006 星期二
12點先起身,同MAMI落左樓下食野
之後去左市中心行
3點幾就番屋企,睇番尋晚d電視,因為訓左攪..
執左張木台! 舒服哂...

好驚聽日.. 真係好淆
好驚會炒哂,我唔想退步
比左咁多心機,我真係會喊架.....

考試

係時候打番考試既野 ..

12.6.2006 星期一
最後一日上堂,不過好hea,PE又無左,用黎差電
放左學又訓攪,哈哈,不過好開心呀
baby... =]
夜晚喪做PA,做到好想喊... 仲勁淆底

13.6.2006 星期二
ENG Paper 1A 8:30-9:30
頂! ok深,做唔哂,唔敢想像個分會係點 ...
ENG Paper 1B 10:00-11:30
尚算ok,應該唔太差! part b揀左第2題,感覺作得幾好
勁趕食飯,一路食一路溫...
PA 1:00-3:30
兩個半鐘既煎熬,辛苦到想死
error同control都唔識,真係想喊

14.6.2006 星期三
CHIN Paper3 Listening 8:30-9:15
比想像中好,之前仲驚好難,應該ok
CHIN Paper 5 綜合 9:45-11:00
好似識咁,但係唔知d格式岩唔岩
ENG Paper 2 Listening 1:00-3:00
麻麻地啦,希望task6無寫錯野啦,仲難過CE咁既 =.=
做完好支力好支力 ....

15.6.2006 星期四
CHIN Paper 2 寫作 8:30-10:00
揀左「生命重要定自由重要」 .. ok呱,自己覺得作得好 XDD
CHIN Paper1 閱讀 10:45-11:45
唔知岩唔岩,不過文言文唔識

16.6.2006 星期五
中史 8:30-10:30
灰到喊,溫左3日都係唔識,一定唔合格,想死
最終係屋企訓攪,訓到死左

17.6.2006 星期六
9-6自修室溫maths...

18.6.2006 星期日
溫左一陣Econ,去飲茶,之後又想行街咁就無去溫書啦 XD
夜晚溫好Econ

19.6.2006 星期一
Economics Ⅰ 8:30-10:00
ok! 感覺好過做mock .. 應該唔差
Economics Ⅱ 10:30-11:00
還可以,唔知岩幾多呢,有40題就好lu...
考咁多日試最開心今日架啦 XD

20.6.2006 星期二
Maths Ⅰ 8:30-10:30
做落覺得ok喎,無想像中咁難,無做都唔係好多姐..感覺會合格!
Maths Ⅱ 11:00-12:30
炒到P哂K-.- 10題有8題都係亂撞,唔識就撞哂b ... XD
surely 唔合格 ...

21.6.2006 星期三
Geog Ⅰ 8:30-10:15
cpmpulsory都ok.. partb揀左Global warming同City,應該唔會太低分
Geog Ⅱ 10:45-11:45
頭10題map都唔識 XD 亂黎,之後好d啦
LQ張map好花,畫到我眼到突,MC張map好大,做完用左黎墊本台 XD

ENG Paper 3 Speaking 1:15-3:30
最後一組呀低能 -.- 坐到嘔都未到
同希姐,羅承開,趙曉璇一組 ..
我覺得自己ok喎!!

wa.. 叫做考哂試,真係爽哂!!

22.6.2006 星期四
朝早同伯父伯娘呀b飲茶
係咁同呀b玩,好玩左好多XD
之後佢地有d野搞,我同呀b去左平台玩,哈哈,勁開心
then去元朗行街
勁買野買左好多野,夜晚去一間好好食既野度食海鮮 XD

夜晚.. 唉..唔好提~ 喊到抽筋 ..

23.6.2006 星期五
起身出去同salai輝仔食飯
我IQ好快down grade,佢兩個都低能到無人有!
食完就番學校,諗住搵miss曾,點知又搵唔到
等左成個鐘,終於見到佢啦..
有d野要搵佢傾傾,傾左1個鐘,終於開心番d..
miss曾真係好好,好愛佢

夜晚終於解決左件事! =] 安落哂!

24.6.2006 星期六
起身去補習,補完同飽報summer course
報完搵mami食野,食完去市中心買野,之後去唱k
開Eason演唱會yo!
6點幾番屋企 ...

日日自修室喪坐同飲咖啡入到嘔既日子要完啦..
而家知道PA合格同埋Econ考得ok..
希望d成績真係唔好嚇親我就得架啦


上記広告は1ヶ月以上更新のないブログに表示されています。新しい記事を書くことで広告を消せます。